„სიცოცხლის სიტყვის“ ეკლესიაში, გარდა სხვა მრავალი მსახურებისა, არის საოჯახო მსახურება, რომელიც სათავეს პირველი ეკლესიიდან იღებს და მისნაირადვე ხორციელდება. ბიბლიაში დაწერილია,  რომ პირველ ეკლესიაში ტარდებოდა 2 სახის მსახურება.  თავშეყრის პირველი ადგილი  საერთო კრება იყო და მეორე – სახლები, სადაც მოწაფეები იკრიბებოდნენ რეგულარულად, მიზანი კი “პურის დამტვრევა” და მოზიარეობა იყო. სწორედ ასევე იქცეოდა იესო, რომელიც   ხშირად ცოდვილთა მეგობრადაც მოიხსენიება:    დღენიადაგ ერთსულოვნად ტაძარში იმყოფებოდნენ, სახლებში ტეხდნენ პურს, იღებდნენ საზრდოს სიხარულით და გულუბრალოებით. აქებდნენ ღმერთს და მთელი ხალხისთვის სათნონი იყვნენ. უფალი კი დღითიდღე შესძენდა ეკლესიას მათ ვინც ჰპოვა ხსნა. (საქმე მოციქულთა მიმართ წერილი 2:46-47).

   საოჯახო მსახურება შემდეგნაირია: შედგება 7-10 ადამიანისგან. ისინი იკრიბებიან ერთად სახლში, სადაც მათ აქვთ საშუალება ღმერთის თაყვანისცემის, ლოცვისა და სიტყვის მოსმენის, ისევე, როგორც შესწავლის.ეს არის საუკეთესო გზა იმისა, რომ თითოეულმა იგრძნოს  ქრისტიანი მეგობრებისგან სიყვარული, მხარდაჭერა და გვერდში დგომა.

  იბადება კითხვა, თუ რას ვაკეთებთ სახლში შეკრებისას… სწორედ იმას, რასაც პირველი მოწაფეები: ვტეხთ პურს – ვსვამთ ჩაის ტკბილეულთან ერთად, ვაქებთ უფალს, ვარჩევთ წმიდა წერილებს და , რა თქმა უნდა,  ვზრუნავთ ერთმანეთზე. საოჯახო მოზიარეობა  საშუალებაა იმისთვის, რომ შენი გამოცხადებები გაუზიარო დანარჩენ წევრებს, განიხილო ცხოვრებისეული  თემები და ილოცო სხვაზე.

ჩვენ გვჯერა და გვაქვს იმის მოწმობა, რომ საოჯახო ჯგუფების მეშვეობით ღმერთი შემატებს გადარჩენილებს ეკლესიას. თუ თქვენ ჯერ კიდევ არ გიპოვიათ მეგობარი ეკლესიაში, გაქვთ ბევრი პასუხგაუცემელი კითხვა ან არ იცით ვინ არის იესო, მაშინ საოჯახო ჯგუფი კონკრეტულად თქვენთვისაა.

 გეპატიჟებით დიდი სიხარულით!

 

Comments

comments

შემოგვიერთდით: